شیعہ آن لائن: لاہور کی کوٹ لکھپت جیل میں معروف دہشتگرد اکرام الحق عرف لاہوری
کو آج ہفتہ کی صبح پھانسی دے دی گئی۔ اس موقع پر جیل کے اندر اور اطراف میں سخت
سیکورٹی کے انتظامات کیے گئے تھے۔ لاہوری کو
پھانسی دئے جانے سے پہلے اہل خانہ سے انکی آخری ملاقات کل کرائی گئی تھی۔
خیال رہے کہ فیصل آباد کی ایک خصوصی عدالت نے شورکوٹ میں ایک شیعہ نئیر عباس کو
قتل کرنے پر لاہوری کو 2001 میں سزائے موت سنائی تھی۔ اور وزیر اعظم نواز شریف کی
جانب سے سزائے موت پر پابندی ختم کیے جانے کے بعد لاہوری کو 8 جنوری کو پھانسی دی
جانی تھی۔ مگر آخری لمحات میں اسکے اہل خانہ نے عدالتی مجسٹریٹ کو مقتول کے اہل
خانہ کا معافی نامہ پیش کر دیا، جس پر پھانسی ملتوی کردی گئی۔
بعد میں معافی نامہ کو تصدیق کیلئے دوبارہ انسداد دہشت گردی کی عدالت بھیجا گیا،
جہاں مقتول کے 8 رشتہ داروں میں سے صرف 2 بھائی اور ایک بہن ہی پیش ہوسکے۔ عدالت
نے مقتول کے تمام لواحقین کے سامنے نہ آنے پر معافی نامہ مسترد کرتے ہوئے اکرام کے
دوبارہ ڈیتھ وارنٹ جاری کر دیے۔ اکرام کی سزائے موت پر عمل درآمد رکوانے کی آخری
کوشش اس وقت ناکام ہوگئی جب جمعرات کو لاہور ہائی کورٹ ڈویژن بینچ نے ڈیتھ وارنٹ
کو چیلنج کرنے سے متعلق درخواست خارج کردی۔
ایک تبصرہ شائع کریں